𠊎毋單淨愛像畫眉　唱出客家歌　乜愛像獅仔　吼出客家聲

客家纏花(客語新詩)

剪一瓣月牙般个紙片

盡像阿哥个目珠

用綿延不斷个金絲線

琢琢仔纏等密密心意

吾情

牽等若魂

鬆　緪　鬆　緪

忒鬆驚你瀉走

忒緪驚你毋敨氣

偷偷安等寶石一點心

雙指無閒遽遽纏又拈

𠊎个柔情

纏等阿哥个雄猛

為著俚好將來

精雕玉琢到天光

玻璃盎仔（客語新詩）

𠊎位盎仔肚冷雪雪仔看等外背

玻璃盎仔係𠊎魂魄永久个囹仔

宇宙

冷雪雪仔恬靜

𠊎

冷雪雪仔恬靜

係心靈己經分時間个火燒成火灰

還係命肚早就註定

毋知麼个時節

𠊎

變做情緒个無底坑

喜怒哀樂个墳堂

一灘屙糟垃圾个

死水

人生無忒酸甜苦辣

像心電儀平平个該條直線

毋使等到𠊎無敨氣該時

𠊎

早就消忒

瓶(華語)

我在瓶底冷冷往外望              

玻璃瓶是我靈魂永恆的枷鎖

宇宙

冷漠的靜寂

我

無明的沉默

是靈性已被時間之火燒成灰燼

還是命中早已註定

不知何時

我

變成了情緒的黑洞

喜怒哀樂的墳場

一灘藏污納垢的

死水

生命失去了酸甜苦辣

像心電儀那條躺平的一直線

不用到我結束呼吸的時刻

我

早已死亡

名嘴

陰間長舌鬼

世間有名嘴

四處嚼舌根

妄語誑眾生

自命萬事通

上知天文 下知地理

自命包青天

日審陽  夜審陰

自命科學小飛俠

化身正義  打擊魔鬼

究其實

開黃腔以為妙言

灌迷湯當作補藥

語畢洋洋得意

德敗口業之中

昔時 三姑六婆 道聽途說

今日 媒體網路 捕風捉影

殺人不見血  多是偏邪無義之言

富貴嘴上求  盡是粗俗鄙陋之語

豈不知

當墜拔舌阿鼻地獄

獄常燒鐵鉤烙其舌

鐵叉刺眼

鐵箭刺心

鐵刀穿頷

鐵勾扯舌

待至口吐蓮花時

歷劫方才消罪業

阿彌陀佛

豈可不慎