彩色老郭的禾樓閣(部落格)

國語文競賽台灣客家語朗讀(北四縣腔)高中學生組

菜瓜棚                  (江嵐原著  大埔腔 郭鶴琳試譯-未核定、非正式譯稿--供參考用)

    屋側角有一撘空地，阿爹親手種有一頭土檨，這下當高當大頭，逐年正月斯開花，一點一點黃黃像星屎該樣，歸串歸串拶拶(zadˋzadˋ)(ㄗㄚㄉˋ ㄗㄚㄉˋ)，毋(mˇ)使到五月節，一粒一粒像細人个拳頭嫲(kienˇ teuˇmaˇ)恁大个土檨，打到婆嬤濟借（poˇ maˇ ziˋ ziaˋ），那係落一陣大雨斯會跌到歸樹下，青个拿來滷檨青(這下个人同佢安做「情人果」)，黃个使得直接拿來食，土檨細細粒，無麼該肉，毋過，味瑞特別香，係一般改良个也係進口个大種檨，無法度比个在地香，阿爹無愛食大大粒、有肉又水份多个進口種，總係頭探探(teuˇ dam+  damˊ)等佢自家種个土檨熟（sug^）。
　　菜瓜棚脣項，有一頭木瓜樹，無記得係麼該時節種个，逐年斯打都結結結，食都食毋利，阿姆已盼得，不時斯會摘落來送鄰舍。
　　逐年正月，阿姆斯會點（diamˋ）幾頭菜瓜籽，等生出菜瓜秧个時，愛選兩頭盡靚个做種，伸个做下愛挷淨淨，兩日淋一擺水，等菜瓜递(tai+)藤个時，還愛插兩枝豆籬(teuˋ liˋ)分佢递上架頂。四月邊斯開始打花，大大蕊黃黃个花，在青溜溜个菜瓜葉裡肚(di+ du^)，開到脫體晟(changˇ)眼，到五月邊 天時較熱，花斯會打都忒多，影響菜瓜个品質，阿姆斯會將有兜該花摘撇，庄下人無打爽个本錢，阿姆會同這兜大大蕊个黃花，拿來搵麵粉落鑊烰（pouˇ），對罕得有麼該噹嗒(dongˇ dabˋ)好食个細人來講，食起來脆脆香香甜甜个味瑞(muˋ suiˋ)，有日頭羴（hienˋ）同萋萋个菜瓜花香，這種(lia zhung )个噹嗒驚怕係吾等一生人拂無撇(fid^ mˇ ped^)个記憶(giˋ rhiˋ)。
　　放暑假个時節，菜瓜打到滿棚當當吊吊(don+  donˇ diauˋ diauˋ)，菜瓜葉同油桐葉已像(iˋciongˋ) ，大大葉青青，生角生角，又一皮一皮重重疊疊(chungˇchungˇtiabˋtiabˋ)，對瓜棚下背看啊上，已像一粒一粒大大粒个星斗，黃色个花斯像係光華華个月光，一條一條个菜瓜浸青(zimˋciang+)，斯像係得人惜个細人，在該吊晃槓(diauˋgongˇgongˋ)。吂結婚个細叔係教書先生，佢已會利用這種天然个資源，兜一張矮桌，幾隻矮凳，歸日斯在這讀書泡茶，到暗晡時頭，菜瓜棚下自然變做大人細子尞涼个所在。成半下坐在月光下，看月光華華，滿天星斗，清風輕輕該吹過來，阿叔會教吾等唸：「月光華華細妹煮茶，阿哥兜凳人客食茶……」个童謠，還會同吾等講已多已多个故事。
　　八月半係吾等團圓个大節日，阿叔、叔姆、阿姑、姑丈，出外做事个人，歸家人斯會相約轉來過節，大家坐在(to+)菜瓜棚下食月餅打嘴鼓(da^ zhoiˋ gu^)，叔姆同阿姑在(coi+)該起火焙肉，細人在禾埕項逐(giug^)上逐下，搞都貶倒轉來，歸間屋、歸禾埕个笑聲，係吾等用錢斯買無到个幸福經驗。等八月半過撇，一家人一家人愛駛車轉去都市个時節，吾姆總會細心細意摘一千擔菜瓜、黃瓜(vongˇ gua+)、匏、青菜，一樣一樣用報紙包好勢，還有自家畜來㓾个雞、鴨，鹹菜、覆菜……塞塞揫佢等个歸車頂。
　　有一暗晡，𠊎發（bud^）夢，著（chog^）驚，跋䟘起來(bag^ hongˋ ki^ loiˇ)，順續出去菜瓜棚側角个便所屙尿，看著阿爹坐在瓜棚下，毋知同麼人在該位講話，遠遠斯聽到吱吱喳喳个人聲，等𠊎行近一看，斯單單阿爹一個人核等(hed^ nenˊ)放核一台錄音機，肚項傳來八月半，歸家人共下圍在瓜棚下，食月餅打嘴鼓个笑聲。

注：符號  音階     備註

       (無)     55   同注音符號1聲(so-)

         +      33                 (mi-)

         ˊ       35   同注音符號2聲

         ˇ      113  同注音符號3聲

        ^        31

         ˋ       53  同注音符號4聲

         ^      21   (入聲)-bdg(-ptk) 似注音符號輕聲・

        ˋ       54   (入聲)-bdg(-ptk)

例：()   醫    乳   移   雨   億   一    翼

       rhi  rhi+  rhiˊ rhiˇ rhi^ rhiˋ rhi^ rhiˋ

臺中市北屯區北屯國民小學親子客語讀書會

本市最具代表性的東勢（大埔腔）客語，十年來推動發展有成。為持續活絡客語生態環境，精進客語知能，提供專業聽說讀寫訓練場域，特舉辦定期讀書會，由專業教師群帶領，研讀經典教材，吟詠雅音，期能提升學員客語能力，豐富人文素養，進而認同客家，為保存客語及發揚傳統優質文化盡一份心力。

1.       主辦單位：臺中市北屯區北屯國小、臺中市大埔客家文化協會

2.       協辦單位：臺中市寮下文化學會

3.       課程內容：唐詩、弟子規、昔時賢文、全國語文競賽朗讀篇目、大埔音東勢客、部編版客家語分級教材（大埔腔）等。

4.       開班日期：100年10月19日（三）晚上7:30

5.       上課時間：每週三晚上7:30－9:00(至101年1月4日，共12次)

6.       上課地點：北屯國小明禮堂一樓視聽教室

7.       費用：全免。（酌收保證金每人300元或每戶500元，全勤退還。）

8.       報名資格：不分男女老幼皆所歡迎。（小朋友需由家長陪同或親自接送）

9.       聯絡單位：北屯國小教務處設備組黃勇媜老師(22332110-713)、台中市大埔客家文化協會徐理事長(0927-286661)、郭總幹事(0928-312918)。亦可於上課時間現場報名。

10.    停車資訊：請儘量步行，學校不開放汽車停車，機車請停人行道。

11.    報名表請於10月14日(五)放學前繳交至教務處設備組黃勇媜老師或10.19開課現場報名。

~不同腔調之客語，也歡迎至現場參加~

------------------------------回-----------------------------------------條-----------------------------------------

臺中市北屯國小親子客語讀書會報名表